منتديات القصيري الرسمي
ديـــــــــوان مــحـــــــــاورات الشاعر   /  صياف الحربي  ( الكتابية ) 1328819262971
منتديات القصيري الرسمي
ديـــــــــوان مــحـــــــــاورات الشاعر   /  صياف الحربي  ( الكتابية ) 1328819262971
منتديات القصيري الرسمي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات القصيري الرسمي

منتديات القصيري الرسمي
 
الرئيسيةأحدث الصورالتسجيلدخول

 

 ديـــــــــوان مــحـــــــــاورات الشاعر / صياف الحربي ( الكتابية )

اذهب الى الأسفل 
4 مشترك
كاتب الموضوعرسالة
نافل فضل القصيري
المشرف العام
المشرف العام
نافل فضل القصيري


دولتي : السعودية
العمل : استاذ
الهواية : الكتابة
عدد المساهمات : 178
تاريخ التسجيل : 06/10/2011
الموقع : للـتـواصل ولإستـقبال أقتراحاتكم وأرائكم الـنيره أمل مراسلتي على الإيميل : al-fazee222@hotmail.com

ديـــــــــوان مــحـــــــــاورات الشاعر   /  صياف الحربي  ( الكتابية ) Empty
مُساهمةموضوع: ديـــــــــوان مــحـــــــــاورات الشاعر / صياف الحربي ( الكتابية )   ديـــــــــوان مــحـــــــــاورات الشاعر   /  صياف الحربي  ( الكتابية ) Empty14/10/11, 05:11 am



مساء الخير
أتمنى من الاخوهـ الكرام وضع محاورات صياف الكتابيه هنا لكي نجمع
في هذا الديوانـ بعض محاورات هذا الرمز ومن هنا انا ابدأ بدوري :



محاورة بين مطلق الثبيتي وصياف :


مطلق

ياسلام الله على اللي ما يخونون الأمانة
يسهرون الليل والعالم من الراحة رقودي

يعدلون ويصدقون ولا يعرفون الخيانة
حاكمن شعب الكويت وحاكم الشعب السعودي

صياف

مرحبا بالمسلم اللي به قوانين وديانه
وانت جندي لاخو مريم والفهد ذخر الفهودي

يا طويل العمر ما يصلح شجيع بلا ذهانه
واحدن ماله ذهانه لا يسوق ولا يقودي

مطلق

الحريبي لو لقاله واحدن يقطع لسانه
ما تغزّل في بنات الهند سمحات الخدودي

ما درى راشد محارب يوم يسرج في حصانه
كنّه الفارس يبا يغزى النصارى واليهودي

صياف

يا عتيبة قولوا لمطلق يمرّح في مكانه
ما يدافع عن بنات الهند يا غير الهنودي

خل ابن سرحان يقضي حاجته فأول زمانه
الشباب اليا انهزم ما عاد للمسلم يعودي

مطلق

أعجبك صوت المغني يوم دق الاسطوانه
مار لا ترقص عليها وانت قرد من القرودي

انت لو انك صغيّر ذقت مس الخيزرانه
مير شفتك عود مابك فود جعلك ما تعودي

صياف

والله اني لامسك حلوق العرب كيد ولعانة
والرصاصه من حزامي والشرارة من زنودي

وانت عينك يالثبيتي مثل لون البرتكانه
مثلها هاك السنة صفرا ما تنقص ما تزودي

مطلق

لا يغرك واحدن خداع لو ابدا ثمانه
الرماح اطول رموشه والصواريخ النهودي

انت حربي من رجالن ما يعرفون الرطانة
مار لا ترطن ولو حصلت من تحت اللحودي

صياف

انت ذيب ولك سنون ولك تحت بطنك بطانة
ما تعشى من كبار الروس يا ذيب الرقودي

الحروب اخذوا فلان وسلموهم لفلانه
اسمع الكلمة ولا تجحد ترى عندي شهودي

مطلق

واحدن قلبك يحبه ما اتفق شاني وشانه
والغنيمة دسّها تحت العباة ام اللبودي

الثبيتي في مكانه ما تحرّك عن مكانه
وانت نارن طالعن دخانها من كل عودي

صياف

يصبح الصبح وتبين الشمس وتطير السمانه
وانت طيرن ما نبتلك ريش والوقت محدودي


__ ___ ___ ___ ___



مطلق الثبيتي :
كل جرح نبا نلقى علاجه وطبه=وإن غدا طبها جبنا السيوف الحدادي

صياف الحربي :
شعشع النور والمسلم يصلي لربه=وأنت فتح سموعك ليا سمعت المنادي

مطلق الثبيتي :
نمدح اللي يمد الوافية ما نسبه=ننقله من ردوف اشعيل فوق الشدادي
مار صياف لا ينثر مع الدرب حبه=بين شقر الحرار وبين شهب الحنادي

صياف الحربي :
يا ثبيتي ترى ثوب الشرف ينصبه=أبيض ما ناشه حمار وسوادي
جاك شاعر مع الشعار ما حد لعبه= ينتبه لليالي حر وألا برادي

مطلق الثبيتي :
خيل الغيث فوقك وأنت ضوك تشبه=سرع ما جاك سيل الخير مع كل وادي
الثبيتي يبا يرميك في جــــوف غبه=بين موج يموج وبين حـــــوت يصادي

صياف الحربي :
خيلت وأقبلت بالماء وعيت تصبه=وأطلعت شجرة خضراء وأكلها الجرادي
لا تحط الغشيــــــم بموتـــر ينقلبه=نحسبك سريت الليل وأصبحـــــت غادي

مطلق الثبيتي :
كيف تومي براسك والهبايب تهبه=تحسبنك كما أن امهيد وألا المهادي
راعي الخيمة اللي حطها في جهبه=جيت أبا مرها ليا الطريــق امتحادي

صياف الحربي :
والله أنك على طبع مضـى ما تكبه=مار وشر عينك من شــــــــراره زنادي
ماني اللي تعلق في الحبال ونشبه=أعرف الفارس اللي ينتصر في الطرادي







__ ____ _____ _____ _____


صياف ومستور العصيمي :


صياف :
-
اشوف مستور العصيمي جاب حمله وجمله=الياقضى تمر الحسا جاني يبا تمر القصيـم

إن مد وحده من يداه أملا يدي واحـط لـه=وان كان مد يدينه الثنتين أقـول الله كريـم
-
مستور :
-
لن كان عندك تمر جيتك بالبعيـر وحملـه=لكن لاتخلط لي التمر الجديـد مـع القديـم

اظن صياف السحيمي ناسي ٍ وش قلت لـه=وان كان ناسي قول ياصياف والله العظيـم
-
صياف :
-
التمر يامستور ماعنـدك سنـون ٍ تاكلـه=أكل الضروس السوس والنيبان مافيهاالسليم

ياللي تبا ترضي هذاك وذاك تبغى تزعلـه=اهون عليك اللفلفه والا الطريـق المستقيـم
-
مستور :
-
لابدنا نلقى لنـا غيـرك عميـل نعاملـه=وأناضروسي من حديدوتكسر العظم الصميم

لن كان ماتدرون ويش الراي خلـوه لهلـه=قد قيل بالامثـال مانـزال شددلـه مقيـم
-
صياف :
-
ينفك باب الخير للطرقـي وحظـه يقفلـه=درب الصحيح يدله العاقل ويخطيه الغشيـم

إليانقصت الكيـل والمكيـال قلنـا كملـه=حنا ترى ماعندنا فاصحا بنا خشم وخشيـم
-
مستـور
-
بان الصحيح وكل رجال ٍ عرفنـا منزلـه=أحد ٍ حياته في شقا واحد ٍ حياته في نعيـم

اللي يبا كحل العيون يلـد يمـي واكحلـه=والاعلى قول المثل مافى الغريم الا الغريم






__ ___ ____ ____ _____ _______



صياف ومحمد بن جرشانـ


مـحـمــد ابـــــن جــرشـــان
-
سلامي ردة "ن" عدلة بدايتها سـرور وخيـر=على روس الرجال اللي عريبـات مناسبهـا
انا الليلة باشب النار وارمي فاللهيب عميـر=مادام شداد ريمة من يدينـا فـوق غاربهـا
-
صــــيــــاف الــحـــربـــي
-
الا يامرحبـا ترحيبـة تحـزم بظهـر بعيـر=وتنزل فالبلد واهل البلـد تعـرف مناصبهـا
تجر السانية والسانية طاحت بوسـط البيـر=وحنـا تحـت جـم البيـر مانقـدر نسيبهـا
-
مـحـمــد ابـــــن جــرشـــان
-
انا شايفك راسك فالسما من يوم جيت عصير=لكن اعرف من انتة قبل تنشب في مناشبهـا
الوم اللي ليا شافك يطلـع مكـرة التصويـر=واثرة اللي يعرف الناس حاضرهـا وغايبهـا
-
صــــيــــاف الــحـــربـــي
-
انا راسي طويل وروس خلق اللة لها تدبيـر=والا ياكـم لحيـة نابتـة قصيـت شاربهـا
على راسك عقال وطاح يوم انك نفخت الكير=ولا تنفعـك بندقـك القديـم اللـي تزهبهـا
-
مـحـمــد ابـــــن جــرشـــان
-
اعس الكيس احسبة بر واثر الكيس فية شعير=وايدينك ماتقص الا العلـوم اللـي تربربهـا
عقالي ما يطيح اكبر عليكم من جبـال النيـر=ياراع الوزرة اللي من زمـان العـام قالبهـا
-
صــــيــــاف الــحـــربـــي
-
شهد لك واحد ضاري على التضليل والتزوير=نطحت القوم وانت صغير ماتقـدر تحاربهـا
على راسك سمعت الصوت بالتهليل والتكبير=ياراع المشلح اللي جبتهـا والمـا مخربهـا
-
مـحـمــد ابـــــن جــرشـــان
-
مدحك العام مطلق وانتفخ راسك من التكبيـر=وحنا نعرفك حـي تعـاف البيـت واحلبهـا
تسعر لك علوم مالهـا فـي سوقنـا تسعيـر=لكن ارجع على اللي في العطل تبني تجاربهـا
-
صــــيــــاف الــحـــربـــي
-
لو انك حر عقلك معتـدل حررتهـا تحريـر=لكنـك للعجينـة بالسنـون اللـي تركبـهـا
والا ياطير ياللي في سمانا ماتعـرف اتطيـر=لكنـك روح دور للجحـور اللـي تخشبهـا
-
مـحـمــد ابـــــن جــرشـــان
-
انا لاجيت اقمر خبزتـك فـي نارنـا تقميـر=لقيت مقمـع يابـو سـدادة ماتصيـب ابهـا
لكن اليا ركزت خشيمك الازعر دهنا السيـر=ما اشح بحاجة مثلك ليا سيمـت يشـح بهـا
-
صــــيــــاف الــحـــربـــي
-
زمان العام في سوق تربة سمرتكـم تسميـر=يشيبـون الاوادم والبقـوم انـا مشيبـهـا
تمسك بالطريـق الزيـن لا لفـة ولاتدويـر=بسلـم النـاس صاحبنـا ونفسـك لاتعذبهـا
-
مـحـمــد ابـــــن جــرشـــان
-
زمان العام في سوق تربة شال الحمول العير=ياراع الساعة اللي كسر الصاغـي عقاربهـا
يابو حوتة تخمرها لورعـك لارقـد تخميـر=الك نية والك حجة على غيـري تحـج بهـا -





__ __ __ __ __ __ __



صياف واحمد الناصر


أحمد:
-
مرحبا عداد ما تسري نجوم السما فالليل =ردة وافيه نبدي بها عند واجبها

بس انا والطواري والهواجيس حط وشيل =عام اصدق هواجيسي وعامين اكذبها
-
صياف:
-
البقا بالعميل اللي يمد الحن بالحيل =من رجال زمان العام تفتل شواربها

احمد الناصر اللي عام الاول يسج الخيل =السنه ذي يربط راسها قبل يركبها
-
احمد:
-
عامنااللي مضى هاذي مواقف جمال عقيل=ماقف الفارس اللي سبق الخيل يتعبها

غاب عيبه طويله والله اقوى قوي الحيل=وكل نفس بعملها ربها اللي يحاسبها
-
صياف:
-
شفت سيل حدر واد الرمه مثل نهر النيل =والجمال اغرقت ما سلمت الا غواريها

وانت لو شفت نجم الجدي قدام نجم سهيل =يمكن انك تحصل لك ارجال تصاحبها
-
احمد:
-
باقي الجدي والمرزم عسى ما يجيهم ميل =وجعل سود الليالي ما تجيهم مصايبها

اخذ فنجال اشقر خالطه زعفران وهيل =يقعد الراس والافكار عندك يقربها
-
صياف:
-
فتح العين لين تشوفنا وارفع الدربيل =وامسح الخط كله والملفات جنبها

ما عرفنا المقاضي لين فكيتوا الزنبيل =يا عيال الحلال اللي قرينا مكاتبها
-
احمد:
-
جعلها ما تجي بديارنا قصة اهل الفيل =وساعة الطرقي العجلان تاقف عقاربها

من ينقص لك الميزان ينقص عليك الكيل =وما احد يعرف العربان حتى يجربها






__ __ __ ___ __ ____ _____



صياف وحبيب العازمي :


حـــــبــــــيــــــب
-
مرحبا من هيض صدراً مدى سده بعيد=ما يبيّـح بالسرايـر وحظـه معتلـي
السنه تبدي وتقضي وتبدي من جديـد=وأنت يالحربي تحدى ونارك تصطلـي
-
صــــــــيـــــــــاف
-
البقا باللي بداها على الفـال الرشيـد=نوب يرقص مع جهينه ونوباً مع بلـي
السنه يعرف عددها ما ينفص ما يزيـد=والبشر تاكل لو انّ الصحن ما يمتلـي
-
حــــبــــيــــبـــــب
-
لا يغرك ما يفـك الحديـد الا الحديـد=سالفة في المذهب الشافعي والحنبلـي
لا تخليها طويلـة تـرى مـا تستفيـد=كيف رجلاً معك سكر وتاكل لـك طلـي
-
صــــــــيـــــــــاف
-
أنت رجالاً محكّم وشاطر فـي القصيـد=مير تسرح مع عتيبة وتمسي عبدلـي
العيون الحول ترمي كثيـر ولا تصيـد=وأنت لا شفت الطلي قلت يا خيّ خل لي
-
حـــــبــــــيــــــب
-
معك عفريتاً محنـك وشيطانـاً مريـد=يوم ياصياف حربي ويوميـن اسهلـي
ياهبوب الريح هبي على خضر الجريد=ما حكم فاهل المدينة حسيـن ولاعلـي
-
صــــــــيـــــــــاف
-
ما رماك ابقاعة البير غيـر ام العبيـد=وان رجعنا للحلايا تـرى مالـك حلـي
في ثلاث ايام نرسل حبيب في البريـد=البنـادم يبتلَـى والبـنـادم يبتـلـي
-
حـــــبــــــيــــــب
-
ياسفير اسويسرا والبنوك ام الرصيـد=يوم قلت العام خلك معي وش قلت لـي
حزّة ً فيها نطقـك تراهـا يـوم عيـد=-طقة ً في الراس والا في عرق الاكحلي
-
صــــــــيـــــــــاف
-
يو غف الك السمن والقدور ام العصيد=قلت لك فوقك رعود وسحاب ايهلهلـي
لو معك سكين يمديك ذكيـت الهريـد=وان فزع لك عازمي قلت منته من هلي
-
حـــــبــــــيــــــب
-
بين رابغ والقضيمة تصيد اللي تصيـد=والعصيمي لا يشوفـك يلقيـك الخلـي
لوّ دمك عقب همّك يضخّ مـع الوريـد=كان ترضى من رضاية ويزعلك ازعلي
-
صــــــــيـــــــــاف
-
أنت ياراعي الدفيتة شقي مدري سعيد=في يدك مجنون ما ينطبخ مـا ينقلـي
كان في راسك ظفر قيّد العاصي بقيـد=واترك الثيران تشرب وتاكل في حلـي
-
حـــــبــــــيــــــب
-
أنت ياراعي المدينة مشعوذ مـا تهيـد=فالقطيف اثنين والثالث أنتـه يالولـي
امتلت حفرة جهنم وياهل مـن مزيـد=يا صواقع صرقعي يـا زلازل زلزلـي
-
صــــــــيـــــــــاف
-
ما يغش الأرض غير انت يا هذا الوليد=راسك اقرع والشعر مثل حب الفلفلـي
لوّ رفّعنا اربعة من نقيب اليـا عقيـد=جاتنا ليلة شهـر مظلمـة مـا تنجلـي -


_____ ______ _______ ________



صياف ورشيد الزلامي :




رشيد

مرحبا في حفلة الروقه ولي حق الميانه

يوم ارحب عند ربعي واعتبر هذامحلى

صاحبي صياف من ذيك السنه ماعرف مكانه

وانت يافيصل دقيقه وحده واجيك كلي
============================
صياف

مرحباوانته بدرب الحق واضمنها ضمانه

جيتها من فوقها ياصاحبي مثل المضلى

----------------بدارٍ مايعرفون الخيانه

وأزملانا كلهم مثل السحاب المستهلى
============================

رشيد

أنت راعي معرفه والمعرفه ذمه وآمانه

والزمان يمر مدري وش يجيب وش يخلى


عقب ماتعطي جمال عقيل ضرب الخيزرانه

مالك إلااليوم في مسجد رسول الله تصلى
===============================

صياف

الليالي يالزملامي مثل طعم البرتكانه

حامضه حلوه لاكن الحامضه عنا تولى


المدينه ياعريب الجد للمسلم حصانه

والجمل مايمسك وليانزل فيها يفلى
==========================

رشيد

لاتكاثر فعل هاكم واحد مست بطانه

مير يرحمنا الكريم الي على العرش متعلى

لوتغيب انته وعشره معك مالشعرخانه

جوه ربعن ضربهم فوق الهدف ماغير هلى
==============================
صياف

كلنا تحت الظروس الطاحنه مثل اللبانه

انشد اللى شافها قبل امس في حارة حولى

الجنوب اللى منول لينه فيها المتاته

لو تطقه بالعصاتسعين مره مايملى
=========================
وغير الطروق وبد كذالك رشيد

رشيد

صياف ابن عواد اناعهديبه ===== ذيك السنه واليوم شفته مره

ون قلت ياصياف وين الغيبه ===== يقول اناناشب براس الحره

صياف

انااسمع الطروق وغنييبه ===== والذاهبه بقصها بالجره

ياطيب راع المعرفه ياطيبه ===== يضحك على العالم بعلم الذره

رشيد

الوقت ياحربي عطاك اجنيبه ===== يالله عسى خيره يكافي شره

جاك الحواروشفت راس اذنيبه ===== العلم لن جات الرحا مفتره

صياف

واد الومه سايل وسال اشعيبه ====== وايامنا لابدها من مره

طال النهار وكل يوم امصيبه ====== واتجيك غره لعنبو هالغره

رشيد

الله يطول عمر ذاك الشيبه ======= منه الرجال اكبودهم محمره

بنت الزناتي سنها تركيبه ======== واتشيل معها علتٍ بالصره

صياف هههههههههههه

معك حزام ولامعك تزهيبه ======= أركب بظهرالحر ولّد الحره

اسبح بظهر البحرلاتمشيبه ====== بغض العيال اقلوبهم مستره

رشيد

لاوالله اركب موترى واسريبه ======= لاكن حلقك يالحريبي زره

الوقت هذا فيه شك وريبه ====== الخبل نعطيه العسل ويمره
صياف

والله لااجرالصوت وناديبه ====== حتى تجي محمره ومسمره

---------المشعاب وإلاجيبه =======قدام دنيانا تزرك زره

رشيد

وشعاد نعمل فيه واسويبه ======== ان زاد صاحبنا يزيد الكره

لازم نحطله البلافي جيبه ======= وديس يجي من الحليب وصره

صياف

انته ماتدريبه واناداريبه ====== اتجيك لاجربا ولامعتره

ايامنا لابدها تلويبه ======== تعطيه طعم الحاليه والمره




توقيع المشرف العام

رصيدي قبيلة حرب ماهي رصيـد الذيـب & حـرامٍ عليّـه بينهـم عـضـة إبهـامـي


حزامي ذرايه تاج راسـي رجـال الطيـب&مـادام باقـي راس حربـي هـو وسامـي
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
فارس القصيري
المراقب العام
المراقب العام
فارس القصيري


دولتي : السعودية
العمل : طالب
الهواية : الصيد
عدد المساهمات : 891
تاريخ التسجيل : 10/11/2011
العمر : 31
الموقع : الذيبية

ديـــــــــوان مــحـــــــــاورات الشاعر   /  صياف الحربي  ( الكتابية ) Empty
مُساهمةموضوع: رد: ديـــــــــوان مــحـــــــــاورات الشاعر / صياف الحربي ( الكتابية )   ديـــــــــوان مــحـــــــــاورات الشاعر   /  صياف الحربي  ( الكتابية ) Empty14/11/11, 05:06 pm

جهد رائع


كل الشكر لك


تقبل مروري


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
سلمان القصيري
منشئ المنتدى
منشئ المنتدى
سلمان القصيري


دولتي : السعودية
العمل : طالب
الهواية : الرسم
عدد المساهمات : 848
تاريخ التسجيل : 26/09/2011
العمر : 27
الموقع : عاصمة الربيع

ديـــــــــوان مــحـــــــــاورات الشاعر   /  صياف الحربي  ( الكتابية ) Empty
مُساهمةموضوع: رد: ديـــــــــوان مــحـــــــــاورات الشاعر / صياف الحربي ( الكتابية )   ديـــــــــوان مــحـــــــــاورات الشاعر   /  صياف الحربي  ( الكتابية ) Empty15/11/11, 02:29 am

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
https://qqss.yoo7.com
الذئب المفترس
عضو ملكي
عضو ملكي
الذئب المفترس


دولتي : السعودية
العمل : جامعي
الهواية : مصارعة
عدد المساهمات : 390
تاريخ التسجيل : 13/10/2011

ديـــــــــوان مــحـــــــــاورات الشاعر   /  صياف الحربي  ( الكتابية ) Empty
مُساهمةموضوع: رد: ديـــــــــوان مــحـــــــــاورات الشاعر / صياف الحربي ( الكتابية )   ديـــــــــوان مــحـــــــــاورات الشاعر   /  صياف الحربي  ( الكتابية ) Empty10/02/12, 12:29 pm

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 
ديـــــــــوان مــحـــــــــاورات الشاعر / صياف الحربي ( الكتابية )
الرجوع الى أعلى الصفحة 
صفحة 1 من اصل 1
 مواضيع مماثلة
-
» قصة الشاعر الكبير بدر الحويفي الحربي وصديقه الغيداني
» [size=24]رد الشاعر سبيل بن سند الحربي .. على السديري [/size]
» الشاعر الكبير :- جايز بن جزاء الحويمضي العمري الحربي وقصيده رااائعه((ابــي جمـيـع حـربـي يـشـيـل الـرتـبـه الـصـفـرا== يـفـز ان قـالـه حـربـي نخيـتـك باغـيـن حـاجــه ))
» سليمان القصيري الحربي
» يا مرحبا بالعضو تركي الحربي

صلاحيات هذا المنتدى:لاتستطيع الرد على المواضيع في هذا المنتدى
منتديات القصيري الرسمي :: زاوية الشعر الشعبي والقصائد والشيلات والدواوين الشعرية :: الشيلات الشعبية و القصائد الصوتيه و المحاورات-
انتقل الى: