قصيدة / جلال خلف القصيري

بسم الله الرحمن الرحيم

هذي القصيده لها سالفه مضحكه وغريبه بنفس الوقت ،،،، كنت أدوام بالخفجي وكنت رافع نقل لمدينة الرياض له سنه و ست شهور،، طبعا كنت ما أتوقع أنه يجي نقلي ألابعد اربع سنين أو اكثر ،،، ولكن بفضل الله جاء نقلي وعند تسيلمي للعهده ،،، ثارت طلقه من مسدسي بالمركز بغير قصد ،، وتم إلغاء نقلي ،، وداومت شهرين بالخفجي وبعدها جاء النقل ،،، وكانوا زملائي ينادوني بالمقرووود،،، وكتبت هذي القصيده بهالموقف ،،،







لابوك يالحظ الردي ويش أسميـك *****أسم يليـق بمنصبـك مـا لقيتـه
أزريت ثم أزريت خاب الرجا فيك*****ماعمرها جتنـي علـى مابغيتـه
مديت لك يمناي قصدي أهاديـك*****الخير منك يالشقـا مـا أحتريتـه
لاتحسبني يـوم مديـت شآريـك*****أكيد شارينـي وأنـا مـا شريتـه
لو هو بكيفي كان مبطي مخليـك*****حي الفقر عندك ويازيـن صيتـه
لو أنت رجآل وأشوفـك ولاقيـك*****يمدي من الغبنه قصاصي قريتـه
قلبي سكن وهموم تسكن مبانيـك*****وإليا تبيـن رآس هـم ن وطيتـه
جاملت لين الرجل ملت مماشيـك*****من قرد حظي لون دمعي نسيتـه
اتجيبها مع ذي تنصاك مع ذيـك*****وإليا فرشت افراش ونسي طويتـه
بذكرك في داهيـه مـن دواهيـك*****من الجراب اللـي بفعلـك مليتـه
سنه وست شهور ياحظ وش فيك*****جلست بالخفجي وأنا ما اشتهيتـه
جاني قرار النقل ثم قلـت أهنيـك*****وأترك وأترك كـل علـم جنيتـه
وأثرك تقول بصوت عالي أنا أبيك*****فزع معاك مسدسـي ثـم رميتـه
وجبت المطمه يوم قلت رجاويـك*****وكنسل قرار ليتنـي مـا قريتـه
قلت وفعلت بفعـل والله يجازيـك*****ودورت لك أسم يليـق وشريتـه
أنت اللذي وأن كان شانت دعاويك*****أجيك في راسي على ما اشتهيتـه
خاويتني وأنت الخـوي مانخليـك*****عشـاك دسـم ولانعشيـك ميتـه



لشاعر/ جلال خلف القصيري الحربي