يـارجـل يالـلـي فـــي غـيـابـي تكـلـمـت علـمـك عـلـي بـالـي ورمــزك فهـمـتـه
|
يـالـلـي بـحـجـه مستـحـيـلـه تـوهـمــت حـولـت حـظـك وســط بـيــر وهـدمـتـه
|
سيـلـك تـدفـق مــن شـفـاك وتخـرمـت ليتـك عـن الـلـي مــا استحـقـه ردمـتـه
|
وأن كان هادف لك هـدف يـوم هاجمـت العـقـل شـــوري والـتـزامـك بصـمـتـه
|
وكـان الجهـل سيطـر علـيـك وتقـدمـت مـاظـن يثـبـت قـولــك الـلــي زعـمـتـه
|
وأن ضعت مع طيش الطواري وهايمت بـركــت لـلـحـق المـصـيـب وغـرمـتــه
|
غــادي وخـيّـل لــك خيـالـك ورهـمــت وســم الحـنـش لــو تلحـسـه ماجغمـتـه
|
غــروك نــاسٍ مــن نسمـهـم تسمـمـت واللـي عـطـى الله لــو تـبـي ماحرمـتـه
|
انـصـحــك وإلا مـاعـلــي لـوتـقـحـمـت دام أحـتـمـل زلـــت رفـيـقـي حشـمـتـه
|
ونصيحتـي وجهـة نظـر مــا تغيشـمـت شبـحـي بعـيـد ومــن غــدا ماغشـمـتـه
|
شبـحـي بـعـيـد ولاأستـعـديـت نـظـمـت والشـوك لاجــاء فــي طريـقـي دقمـتـه
|
ولـيـا بغـيـت أهــدي هـديــه وقـسـمـت مـاهــس بـالـمـيـزان قــســمٍ قـسـمـتـه
|
أنــا لـيـا مـنــي بـالأوضــاع سـاهـمـت أصــــوّر الــواقــع نــظــر لارسـمـتــه
|
مـانـي غشـيـم مــن التـجـارب تعلـمـت وأن مــال مـيــزان القـريـحـه حكـمـتـه
|
لامعنـت بأسلـوب المعـانـي وخاصـمـت خصـمـي بـجـزلات المعـانـي خصـمـتـه
|
بـلـحـام سـكــرت الـمـلاحــم ولـحـمــت وعــلــي مـنـافـيـذ الـمـلاحــم بـرمـتــه
|
وبعـض الكـلام أخيـرمـن رده الصـمـت وأن جـاء مـن الجاهـل غلـط ماجرمـتـه
|
وعن بعـض مانسمـع ويهـرج تشيمـت وسلـم الرجـال أهـل السـلـوم احترمـتـه
|
ولـوكـل مـاثـارت عـجـاجـه تحـيـزمـت تـهـت الطـريـق وكــل عـايـر صدمـتـه
|
مهمـا حصـل بأسلـوب عقلـي تحكـمـت ورأي الـحـكـيـم الـمـعـتـدل مـالـطـمـتـه
|
لوكـان بـه نــاسٍ تـوجـه لــي الشـمـت مـهـمــا يــقــال بـغـيـبـتـي مـاحـلـمـتـه
|
بـعـض الـكـلام الـيـا سمعـتـه تلـطـمـت وفيـض المجالـس ماأزعجتـنـي نغمـتـه
|
طبعـي علـي تأديـب الأخــلاق داومــت ومن ضاع عـن درب السنـع مادعمتـه
|
لابس حرامي من شفا السيل وأحرمـت والـعـلـم بـالـقـلـب الـمـفـتـح حـزمـتــه
|
وحقـيـقـة الــواقــع بــهــا ماتـحـلـمـت مــن مـصـدرٍ مـاثــوق ســـر وكتـمـتـه
|
ان شـافـهــا وإلا نـصـيـتـه وسـلــمــت وحــددت لــه مـرسـام حـــد ووسـمـتـه
|
ودلـيــتــه الـيــمّــه وبالله تـعـصــمــت الا أن تـراجـع صاحـبـي عــن وهمـتـه
|
ظـنـه ظنـيـن الـيـا قـريـتـه وتـرجـمـت بـالـحـق وأسـنــاد الـوثـايـق هـزمـتــه
|
وأن ضاق صـدره مـن كلامـي تبسمـت وأن مــد لــي كــف الـرضـا ماشتمـتـه
|
ماني سفيه اليـا أحتـرك عـود برعمـت والـلــي مـجـنـب سـيـرتـي مـاعـزمـتـه
|
وان دار دولاب الهواجـيـس وأبـرمــت معنـاي عـن نـقـد الـعـوارف عصمـتـه
|
مابعـت فـي سـوق الضغايـن ولاسـمـت ماأخـطـي ومــن مـيّـل علـيّـه خـزمـتـه
|
ماأفطر علي تشويه الأوضـاع لاصمـت وراس الصديع اليا أعترضنـي حجمتـه
|
وبسـلـوم لـزمـات الرجاجـيـل لازمـــت أسـيـرمـع ســلــم الــرجــال ولـزمـتــه
|
ولـيــا سـفـهــت الـتـافـهـه مـاتـنـدمـت ومـاعـون خـــلاق المـشـاكـل خـدمـتـه
|
وأنــا مــع الـلــي يفتهـمـهـا تفـاهـمـت ومـــن لاتـطــرق منـهـجـي مازهـمـتـه
|
وأن حـدنـي حــادي قـوامـه وقـاومــت سبـحـت مــع مــوج البـحـر وأقتحمـتـه
|
جــهــزت نـفــســي للعـبـوروتـولـمـت عـمـق البـحـر لـوهـاج مـوجـه دحمـتـه
|
وجهتـهـا بـيـضـا صـريـحـه وحـكـمـت أحكـمـت مضـمـون الـجـواب ونظـمـتـه
|
تــم الـجـواب الـلـي نضمـتـه وتـمـمـت والـوصـل مــن راع البـريـد استلـمـتـه
|
وصدرتهـا بأسلـوب هــادي وترجـمـت ومـن لاظلـم نفـسـه حـشـا مــا ظلمـتـه
|
أدخــل عـلــي الله بالـخـطـا ماتـذمـمـت وحـــق الـعـبـاد وقـدرهــم ماهـضـمـتـه
|
وجـــو الـصـداقـه ماسـجـتـه ولـغـمــت معـرض عـن الغايـب ولا أكــل لحمـتـه
|
ودام أمتلـك نفسـي عـن الظلـم حرمـت لـوكــان تجـذبـنـي لـشـخـص أتهـمـتـه
|
لبسـتـهـا ثـــوب المـنـاعـه وسـجـمــت وأرجي عسـى الجاهـل يوطـي رضمتـه
|
|
