قصة وقصيدة ضيف الله بن محمد بن درباس الوهبي

أخواني الكرام يشرفني أن أطرح بينكم وعبر منتدانا الغالي
قصه و قصيدة
ضيف الله بن محمد بن درباس الوهبي الحربي
رحمه الله في أحد الأيام ‎ذهب ضيف الله (دوار يبحث عن أبله المفقوده )
على ذلوله و لما أسدل الليل ظلامه وإذا هو ‎يرى نزل الطواله من قبيلة ‏شمر
وقد أناخ ذلوله عند بيت مشعان بن كليب بن طواله لمعرفة بينهم قديمه
وبعد السلام قال مشعان يا ضيف الله
((محمد بن ‏ضاري بن طواله عنده شبب والرجال كلهم عنده))
أشب للقهوة ‏وألا نوافق الفال فقال ضيف الله الا نوافق الفال
فذهبوا لمجلس الشيخ محمد بن ضاري ‏
ومحمد بن ضاري حرب هم من قتلوا والده ,
وله موقف آخر مع الشيخ محسن الفرم حيث طلق الا ‏ترد أبل
الشيخ محسن الفرم الماء ووردت
رغماً عنه ومع الأبل خمسة رجال منهم ابن عجيان الوهبي ,,
وعند وصولهم عنده الا ومحمد يسب حرب في المجلس ويسب الفرم
ضيف الله : ((وقال افا يابن طواله !!ما هي زينةٍ منك تسب لك حمولةٍ ماتنّسب وتهفي حظّك وبمجلسك))‏
‏فقال ابن طواله : هاه يا الحربي وش عندك يا وهبي !!؟ اركب حصانك ومد لسانك
فقال ضيف الله : ما هي ركّبةٍ عليك مباركه يا بن طواله
فرد ابن طواله : وقال اللي عندك هاته
فقال ضيف الله : حدني على كفيل
فقال ابن طواله : شف من ‏يكفلك
فقال ضيف الله : كفيلي مشعان بن كليب ابن طواله
فقال مشعان ابن طواله : ما هو من طيب حظك يا محمد لاصار بوجهي
الله وأمانه انه ليقول كل اللي بخاطره
وهو مستأمن قل ماودك ‏به ياحربي وتريّك بوجهي
فقال ضيف الله القصيده التاليه:‏‎
يقـول ابـن دربـاس فـي وسـط ميـدان---تـسـمــعــو لــلــقــول يـالـحـاضـريـنـي
ذكــرت ربــي وانـخـزى كــل شيـطـان---وبـديـت بـذكـر الله عـلـى الاجمعـيـنـي
اللي رفع سمك السمـا بغيـر عمـدان---الــواحــد الــلــي مالـمـلـكـه وزيــنــي
عـلـى النبـي صـليـت لـلـرب سبـحـان---عــــــلام مـايـخــفــى ومـايـسـتـبـيـنـي
واركبـت مندوبـي عاـى بنت شـقـران---بـنـت الـشـراري لاصـلـهـا حافظـيـنـي
بيـن الركايـب باصلـهـا سـبـع قـعـدان---عسفـت ربـاع وطبعـهـا صــار زيـنـي
مرباعـهـا بـيـن الـصــداوي وفـــيـحـان---مــع نـشــر بـــدوٍ للـخـطـر مرتعـيـنـي
ركـابـهـا مـــن عـنـدنـا مـــد عـجـلان---مـمـشـى ثـمــان أيـــام لـــه ليلـتـيـنـي
رفـيـف ربـــداً يـــوم تـلـفـح بجـنـحـان---حـــط الطـلـيـحـي والبـعـيـثـه يـمـيـنـي
تلفي على بيـت السخـاء فيـه ديـوان---تلقـى هــل المـعـروف بــه جالسيـنـي
سلـم على الـلـي للعـدو سـم ديـبـان---خــص الامـيـر وربعـنـا الحاضــــــريـنـي
الـلـي منـارتـهـم تـقــل حـــرث فـــدان---الـبــن يـحـمـس والمـقـهـوي فطـيـنـي
وصيانـيٍ يرمـى بـهـا أذنــاب خـــرفـان---مــــن عــنــد ابــوجــلال للغـانـمـيـنـي
مـاكـر حــــرار مــن سـلايـل صنـيـتـان---عـقـب الـفـروم شيوخـنـا المقدمـيـنـي
عقب الفروم اللي على الخيل فرسان---شـريــدة الـفـرسـان حـــرز الكمـيـنـي
ضف الدويـش ولابتـه وابـن عشــــــوان---دارت عـلـيـهـم دايـــــرات الـسـنـيـنـي
ولي مـحـارمـهـم وحــلــــوات الالــبـــان---اغـنــى الـفـقـارا وافـقــر المغتـنـيـنـي
عـزل دبشهـم بالـشـري تـقـل حيـطـان---شبـعـوا بــه الاخــوان والمشركـيـنـي
خـلـوا حـوامـي خيـلـهـم لابوسـلـطـان---طـيـر الـحـبـاري يـعـجـب القانصـيـنـي
كفـخ بجنـحـان الســعـد طـيـر حــوران---يـقـدّي الـجـمـوع ويـــورد الهايبـيـنـي
عاداتـهـم طــش الــمـجـوخ لـيــابـــان---وسهومهم تـرمـي الـشـواة السمـيـنـي
حربٍ هل اللقـوات ميـر انـت غــلطـان---خــلــوا ابـــــوك يــفـــارق الـلـذتـيـنـي
الـكـذب عـيـب ورد قـولــي لمـشـعـان---شـهـود الشريـعـه عنـدنـا حاضـريـنـي
عينـت اخـو صلـفـه تعـشـاه سـرحـان---حسـايـف يـاشـوق مـــوض الجبـيـنـي
ماينصـفـط للـمـوت قــــــواد الاضـعــان---عـشـيـر ضـيــف وللنـشـامـا خـديـنــي
ماواجهـه عنـد العـرب كـــــــود رعـيـان---تـفـوهــوا بــــه والــعــرب غايـبـيـنـي
ربـع الزغيبـي قـــطعـوا بـيـت غضـبـان---وعـقــاب مـكـســورٍ يــجــر الـونـيـنـي
والله يالـولا اللـي حـــــكـم قصـر بـرزان---الله يــمــتـــع فـــيــــه للـمـسـلـمـيـنـي
ليـاصـل طقاقـكـم الـجـزيـره وعــــمــان---والـلـي بـقـا فــي نـجــد مستيسـريـنـي
تمـوت فـي غيضـك ليـا كنــــت زعـلان---والصـمـت حـــزنٍ لـلـرجـل ياحـزيـنـي
والآدمـي يخلـق عـلـى قـلـب ولـسـان---والــزول صـــوره والـعـمـل بالثنـيـنـي
والـخـيــل لــــزوا والـبـواريــد نـيــــشــان---وأن كـنـت جـاهـل فانـشـد العارفيـنـي
وجــدودنــا لـجـدودكــم دوم عـــــــــدون---وحـنـا عـلـى الـلـي مثـلـكـم كايـديـنـي
يهـجـا بـهـا جـيـل بـالاصـلاب مـاكــــــان---تـهـجـى مـــع الـكـتّـاب والـدارسـيـنـي
اقـصـر جـوابــك يامـضـيّـر خـــــــــــويــران---تمخـــض مخيــــضٍ مـارماصـار شين