كلمات .طلال المحياوي الجهني

سرى الليل وعيون الخلايق على حالين

أحد نامت عيونه وأحد نار في نونه

وأنا لي ثلاث ليال ما غط جفن العين

أعاند هوى قلب ن طواريه مجنونه

ليا مره الطاري مشى ما نشدته وين

ولا يرجع ألا سكرة الموت بعيونه

وهالحين أنا حطيت في رجله القيدين

وخليت عقلي يحكم القلب وظنونه

سبايب وليف ن دامج الطيب وسط الزين

ليا شافه العجلان يمشي على هونه

ليا شفت خده تحسبن القمر نصفين

والى من تبسم لمعة البرق فسنونه

وعينه مقاس القرش أبو نخله وسيفين

عليها هلال العيد والظل في لونه

نحيل الخصر والردف جملة وسط قوسين

ليا من مشى كأن الثرى يسحب ردونه

من أول يجيني كل ما مروا الغالين

ويسقي عروقن من شقى الوقت مدفونه

وهالحين عطشانه عروقي لها شهرين

لحقها اليباس وبيح القلب مكنونه

يمرون ربعه ليلة السبت والاثنين

وبدر الشهر في داخل البيت يخفونه

ليا جيت أبنشد عنه سر الضمير يبين

ونظرة بني عمه كما الرمح مسنونه

جدى خاطري جمله تردد لها يومين

عساهم ليا مرو عليه يجيبونه

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» الترحيب في أبو طلال
» لعبة كلمات بدون نقط ..........
» كلمات أعجبتني عن الإبتسامة
» شيله ياجماعة كلمات عبدالله المطير أداء فهد مطر
» شيله خلوني اروح اوسع خاطري كلمات لافي الغيداني