من يوم ماجاتني زلّه ورى زلّه=اخذت ساعه وانا واقف بميقافي

قصيدة سعيد ياعزوتي

للشاعر ناصر الودايع

[ندعوك للتسجيل في المنتدى أو التعريف بنفسك لمعاينة هذه الصورة]

. سعيد ياعزوتي لا صار بي ذلّه

يامحزمي في اللقا يادرعي الضافي

البارحه ساهرٍ ليلي قضى كلّه

احسب نجوم السما في جوها الصافي

الصدر ضايق وانا كني على ملّه

والرجل قامت تشرف كل مشرافي

والقلب من ماجراله ما برد غلّه

لا واهني مستريح القلب متعافي

احاول اصبر وحالي صابها علّه

وانا من اول بخير ولا بي اخلافي

ماكنت اهوجس بزلّة صاحبي للّه

واليوم لا واللّه الا بيّن الخافي

من يوم ماجاتني زلّه ورى زلّه

اخذت ساعه وانا واقف بميقافي

اثر رفيقي تغيّر واختلف دلّه

مدري وش مغيّره يالله ياكافي

لا والله الا غدى من جيز خلق اللّه

ماعا د والله على مثله تحسافي

قلّه يغيّر طريقة منهجه قلّه

قدام لا يسفي الجرّه هوى السافي

كلٍ عيونه معه والدرب يندلّه

لكن دروب الرجال اشكال واصنافي

والمشكله عقدةٍ ماهي بمنحلّه

ماتقبل امن الحلول ارباع وانصافي

لو اعتذر لي يازين العذر في حلّه

عنه اتغاضى واقول ان العذر كافي

ادمح خطايا الولد من عذره اي بالله

غالي واعرفه ولا يحتاج عرافي

عزالله ان الردى ماهو بطبعٍ لّه

كريم سبلا نهار الضيق وسنافي

والطيب للناس مذهب والوفا ملّه

من قدم الطيب وافي ياخذه وافي

والطيب واللي يسوي الطيب ماملّه

طبعي وانا ماخذه من طبع الاسلافي

والا الردي لا تحسب اني رفيقٍ لّه

لو عشت في الوقت عاري والقدم حافي .

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» القلم جندي وانا قايد سريه.!!