لك رب مايخذلك..!!

موضوع: لك رب مايخذلك..!! 02/02/12, 02:44 am

لك || ربـك || مايخذلك ؛؛

,,,,,لويخذلونــــك

[ندعوك للتسجيل في المنتدى أو التعريف بنفسك لمعاينة هذه الصورة]

ما راح من عمر التعـب مـا يكفّيـك ؟
ما هزتك طيحـة هقاويـك .. دونـك؟
*
يا "باعث" قبـور الحـزن فـي محانيـك
لو مـا رجعـت لْدفنهـا .. يدفنونـك
*
هذا الحزن لـو مانتهـى بـك بينهيـك
خاوى تفاصيلك .. وعـوّد بدونـك !
*
شف شيبك اللي من همومك عثى فيـك
وكيف التجاعيد عْبثت فـي جفونـك !
*
جسمك تهـاوى مـن عنـاك وتعنّيـك
ونبـرات صوتـك غالبتهـا شجونـك
*
لأْنك تنفسـت الشقـا فـي مساريـك
شف كيف صدرك مختنق من طعونـك!
*
بعت المنـام لعيـن مـن نـام ناسيـك
حتى غـدى ليـل السهـارى زبونـك
*
لا تنتظـر مـن خانـك إنـه يواسيـك
لـو هـو يحبـك مـا تجـرأ يخونـك !
*
قلبـك تعلّـق فـي مخاليـق تشقـيـك
ونسيت حب الخالق اللـي يصونـك !
*
الناس في عونـك ، إذا الحـظ يعطيـك
وان شح حظـك؟ قالـوا: الله بعونـك!
*
ارقى عـن أسبـاب الزعـل لا تخليـك
عبد لهمومـك كـل مـا يزعلونـك !
*
دنياك حلوه .. لـو تلفّـت حواليـك؟
تلقـى مـن بعـاد البشـر ينصفونـك
*
لو شفتها بعين الرضـا هـي تراضيـك
ولو بالكدر ؟ مـا خالفتـك بظنونـك!
*
افرد جناحيـن الفـرح فـوق ماضيـك
حلّق عن الذكـرى ومـن يجرحونـك
*
غيّر مـن الواقـع إذا كـان عاصيـك
جدد من الأحلام .. مـارس جنونـك!
*
ازرع فيافي الصـدر بأخضـر طواريـك
الكون كله ساعـة رضـاك .. كونـك

*
الليل تسهـر مـع نجومـه .. تناجيـك
وتبـادر طيـور الصبـاح بلحـونـك
*
بـث الجمـال بكـل رسـم لمعانيـك
خلّ الطبيعـه تاخـذ احسـاس لونـك
*
خذ من خطاك اللي يصحـح خطاويـك
لاتشيـل مـا لا تستطيعـه متـونـك
*
وان ضقت.. أو ضاق الكون؟ ارفع ايديك
لك رب ما يخذْلـك .. لـو يخذلونـك

[ندعوك للتسجيل في المنتدى أو التعريف بنفسك لمعاينة هذه الصورة]

نــقل وتنسيق/سلمان القصيري[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: لك رب مايخذلك..!! 02/02/12, 02:45 am

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: لك رب مايخذلك..!! 10/02/12, 04:59 am

[ندعوك للتسجيل في المنتدى أو التعريف بنفسك لمعاينة هذه الصورة]