وانـا بــري حـالـي كـل مـا هـبـت الانسام

سقا الله علي مــا فـات من سـالف الايام
ومــا فـات مــن الايــام مـا عاد له رجعه

ومــن حـــن للـمـاضــي وذكــراه ماينلام
يـجـوز ان نفسه مـن عنا الوقت منفجعه

وانـا بــري حـالـي كـل مـا هـبـت الانسام
علي مـن صدوف الوقت ما يرّث الوجعه

بغيت اتحاشى مـا عرض لـي من الافلام
ولـقـيـت الـجـروح بساحـل القلب منتجعه

تنقض خــوافـي مــا مـضى والعرب نيّـام
تخليني اسـتـوحش مــن الـلـيـل والهجعه

لامـنـي بـغـيـت اسـج من ملحمة الاوهام
تــنـكّس حــمــامٍ بــدّل الــنــكس بالسجعه

يــاشين الـفـراق اللي بـلا علم واستعلام
ويــا قــــو قـلبـه يــوم قــفــّـا ويــا شجعه

فجعني غيابه والمــشـاعـر عـلـيـه احيام
نهارٍ تفاخت نـــجـــع غــاليـه عــن نجعـه

جــفــانــي رذاذه يــــوم قـــفّـا بـــه الغمام
وانا اشفق لنوّه مثل ماآشفق على رجعه