قصيدة الشاعر ... خالد مدعث الدوسري

بسم الله الرحمن الرحيم

اسعد الله اوقاتكم بكل خير ,,, اخواني واخواتي

من اجمل ماسمعت وقراءة في التوجد

كل ما فاضـت عيونـي باشـت الأضـلاع غنـا

المـوارد فـي الضلـوع وكـل ضلـع فـي ونـه

والتمنـي مـا يحقـق هقـوت القـلـب ان تمـنـا

بـس قلبـي مـا يـدانـي تبـعـد الهـقـوات مـنـه

وا وجودي وجد مـن جلـي عـن ديـاره مجنـا

تـو عمـره عشـر واربـع والليالـي مـا تحنـه

مــا وراه إلا عـجـوزٍ واخـتـه وعــود مسـنـا

بين فقـر وبيـن ديـن وبيـن ضيـم وبيـن منـه

مـا ذبحهـم غيـر دمـع مـن الغبينـه مـا يكـنـا

ويـل مـن سـود الليـالـي بالمصـايـب يبتلـنـه

راح مثـل الذيـب وهبلتـه حـيـاة الـذيـب ظـنـا

وآمـن والمـوت يومـه بيـن مخلابـه وسـنـه

راح ينقـل دم قلـبـه وان ضــواه اللـيـل ونــا

الـذيـابـه مـروحـاتـه والـسـيـوف يـدورونــه

لـيـا ذكــر دم القـرايـب عـانـق البـيـدا وثـنــا

وان تذكر ضحكة امـه زاغ قلبـه مـن مغنـه

ما يلوعه في حشاه إلا ليا شاف البرق سنا

غاب عشر اسنين ما به من يرد العلم عنـه

ان حـداه الخـوف منـا هـزت الأشـواق مـنـا

يـوم طـال الوقـت عـود للـديـار الـلـي ربـنـه

قـــال مـــا دام الـمـذلـه والــبــلاوي يبـتـلـنـا

والله ان الموت في الأوطان بين الربع جنه

يـوم وقـف فـي المنـازل مـا لقـى بيـت مبـنـا

غـيــر بـيــت للهبـايــب والـــذواري يلعـبـنـه

راح يمـه كـنـه الـلـي ضـاربـه رمــح مطـنـا

وعذابـه مـا دري ان اسهـوم بقـعـا يحتـرنـه

يوم قـرب سمـع لـه صـوت مـن العلـه يحنـا

حصل امه عندها ضيف يقـول المـوت سنـة

قـال يمـه قالـت عيونـي مـن الـدمـع انعمـنـا

قال ابويـه قالـت اطـوال النصايـب قـد خذنـه

قال واختي قالت اقفى القوم باختك مع ظعنا

قـال ربعـي قالـت اسنـيـن المجـاعـة فرقـنـه

قـال جيتـك قالـت ان المـوت مـا ظنـي تـونـا

واستلمهـا نـازع الارواح روحـن مرجهـنـه

ثم صاح من التفـرق صيحـة اللـي فيـه جنـا

دق صدره وانطوى من حر ما به طـي شنـه

كــل هــذا حــال قـلـب مــن خلـقـه الله معـنـا

الـهـمــوم يـوكـلـنــه والــروابـــع يـوكـلـنــه

لـيـه ادور للسبـايـب والسـبـب فـيـنـا ومـنــا

النفـوس ومـا تسـوي واليديـن ومـا حصدنـا

لا تسودنـا الخطـايـا نلـحـق الشـرهـه زمـنـا

مــا جـزانــا إلا عمـلـنـا والـخـلائـق يثبـتـنـه

للشاعر الشاب ,,,, خالد بن مدعث الدوسري

[ندعوك للتسجيل في المنتدى أو التعريف بنفسك لمعاينة هذه الصورة]

مشكور يا فارس القصيري على المرور الطيب

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]