الشاعر / سعد بن عبيدالله القصيري يثني على قطن وأهلها

يا بن صويلح كـم طلعنـا تراديـد=لديـره اللـي مـا جحدنـا ثناهـا

دار(ن) غلاها ما يبي زود تأكيـد=محبةٍ تفـرق علـى مـا سواهـا

حب(ن) مخلد طول الأيـام تخليـد=لعل غـال أرواحنـا مـن فداهـا

ما كفته الخيمة آليا أقصى مشاحيد=وحمر الجبال اللي عذي(ن) هواها

لعل تسقيهـا المـزون الرواعيـد=وتنعم بفضل الله عساهـا عساهـا

هي متعت الناضر وهي منبت الغيد=اللي قدوع ضيوفنـا مـن نماهـا

يوم الحياة بـلا مشاكـل وتعقيـد=وناستن بالضلع مـا أحـدن لقاهـا

قطن وطن ربعي قـروم الأواليـد=خفاف النفوس اللي يسـرك نباهـا

شجعان أهل نخوة وصبيان توحيـد=وساع الصدور اللي بعيـدٍ مداهـا

وأميرهم نايف مثل نايـف الحيـد=راعي يميـنٍ مـا تشـح بعطاهـا

ودي لهم بالخير من غيـر تحديـد=وكبدي عليهم يابسه مـن ظماهـا

والخير يوجد في جميع الأجاويـد=والناس يعرف طيبها مـن رداهـا

وشوف الربيع يجدد العمر تجديـد=وألا المحول تشيب اللـي مشاهـا

=الشاعر / سعد بن عبيدالله القصيري[/poem]