| الألفيه للشاعر / سعد بن عبيدالله القصيري | |
|
+5بريق الالماس فارس القصيري ابــو ســلــمــان ابوفـــــرح قصيري وأفتخر 9 مشترك |
كاتب الموضوع | رسالة |
---|
قصيري وأفتخر عضو جديد
عدد المساهمات : 43 تاريخ التسجيل : 10/10/2011
| موضوع: الألفيه للشاعر / سعد بن عبيدالله القصيري 11/10/11, 05:12 pm | |
|
الألف أولف مـن غريبات الأشعار =جمـلة بــيـوتٍ مــثل نـفـحات الأزهار
يـبـقـى لهـا بـيــن الـمـحـبـيـن تــذكــار =أحلى مــــن الشهـد المــصفى على الــريـق
البا بـديت بنصح والنصح مطلوب=بأجمل هديه من محبٍ لمحبـوب
وكلٍ عليه أغلاط وعيـوب و ذنوب=إلا الـنبــي ســيـــد جـــمــيـع الــمــخـالــيق
التا تراجع لا تمادى اليا اخطيت=قدام لا تكثر نعـوت الـنواعيت
وتحمد الله كل ما اصبحت و امـسـيت=يهديك للــطــاعـه و حـسـن الـــتـــوافــيـق
الثا ثبات العبـد في حفـظ ديـنه=والـثانيه عطـفـه على والديـنه
والثالـثه بـمـواصـله لأقـربـيـنه=وحـفــظ الأمانه و العهد والــــمـــواثـيـــق
الجيم جارك جارك الله من النار=اعرف حقوق الجار وسئل عن الجار
وادمح له الزلة اليا صـار ما صار =لا تـــــجـعـل ابـوابـــك بوجهـه مــغــالـيــق
الحا حلاة البـيض تـلعات الارقاب=اليا اجتمع مع حسنهن عقل و أداب
و تقيدن بـقيـود وحدود وحجـاب= مــــثـــل حـــــــــرارٍ قاضـبتهــا الـمسابـيـق
كم جابن الخفرات جيل بعد جيل=لولا العذارى كان مابه رجاجيل
وكم بينهن تطـلع شموع و قـناديـل= وهـــــن الـكـنـــوز بـمـغـلقات الــصـنــاديـق
شقرٍ مثل وصف الجواهـر تلالا=وســـمـــرٍ بـهـــن زود الــــحــلآ و الـدلالا
و صفرٍ وعـفـرٍ هـن ملوك الجمالا= نظراتهن تـســحر قـــلـوب الـعــشـاشــيــق
الخا الخوي خله من الناس الأخيار=مقيم ولا في طويلات الأسفار
ترى الوفا و الجود من طبع الأحـرار= خـــــويــهـــم ما يـشـكى الـهـم والــضـيـق
الدال دور حرةٍ بنت حره=تصبـر معك في حلو وقـتك ومره
مصـيونةٍ مـن حـاشها حاش دره =مــن مـــنـــسـبٍ مــــا يـــلـــحقنه ملاحـــيق
الذال ذا وقـتٍ وطي الصقر و الـذيب=والبـوم غـنى في طـوال المراقيب
و الكدش طمعت في حصان الاطـاليب= وتـــخـــالــطــت غــربانها و الـــغــــرانيق
الرا روايـه تخـتلـف عن روايه=وبـعض العـرب تـثـر عـليه الدعايه
ولا اللبـيـب يـكـون عـنـده درايه= ان كـان عــــلــــمٍ صــــح و ان كان تـلـفـيق
الزا الزيارة واجـبه بـين الاقراب=يفـتح بها باب ويـقفـل بهـا باب
لو إن بعض الناس لو طبت ما طـاب =لا بــــارك الله بالــرخــــوم الـــمــدانــيــق
السين سيفٍ سلته ترهـب اعـداك=اللى بصعبات المواقـف بيـمناك
لا تسـتـمع به قول هـذا وهــذاك =نـــقـــالـة الـــنـــمـــه وســاع الاشـــاديق
الشين شاور واستمع واقـبل الشـور=يـمكن يصيب الراي والحظ له دور
ما يكابـر الا كـل جاهـل ومـغــرور=يا ما هـــدم مـستــقـبلـه دون تــــبــريـــق
الصاد صاحب صاحـب الـعـقـل والدين=والأصدقا دايـم تراهم قـليلين
لاحـتجـتهم ما شـفـت واحد ولا اثـنين= ولـــقــيــــتـهم مـــثـل الـصـــور بالــمـعــالـيـق
الضاد ضـدونا العدا يا أمة الـضاد=من بعـد ما كـنا مـناره للأمجاد
ان ما توحـد صفـنا ضد الأضــداد= سـلــط عـــليــنا كــــل كـــــافــــر وزنــديـــق
الطا الطلايب والفـتن و المصايـب=لاجات بـيـن الأصـدقاء والقرايـب
تفرقوا من عـقـب ما هم حـبايــب =وأســــبابـهـــا غــــبر الوجــــيه المــــماحيـق
الظا الظنا هم قرة القلب والعين=وإن حصنوا بالدين والمذهب الزين
يطـلع شبابٍ طـلعـته تـقضي الدين =ويــــحـــقـق كـــبــــار الـــطــموحـات تحـقـيـق
العين عادات العرب تكرم الضيف=أهل الأدب والفكر والشعر والـسـيـف
واليوم بالله كيف نصبر على الحيف =ويـــن الـنـــشـاما والـــعـــيال الــمــطـــالــيــق
الغين غيـر الله ما احدٍ بباقي=وحنا عـلى الدنيا ضـيـوف و طراقي
وبالعلم نـرقى عاليات المراقي =ولا الــــجـــهــل ذلـــــه وقــــلـــه وتــفـــريــــق
الفا الفـتى فـكره متى ما تحـرر=يـمكن يجيك بـفكرةٍ ما تـكـرر
لكن من كثر القيـود يـتضـرر =كثــر الـــقـيـود تـــحــد وتــــلــد وتــــعــيـــق
القاف قـل المال يجعـلك تحـتاج=للديـن والمنه ووقـفات الأحراج
اسعي لرزقـك لو تحت زرق الأمواج =ولا عــلـى روس الــجــــبـال الـــشــواهيــق
الكاف كم شاركت بـسمي ورسمي=و اخذت من عرض اهـل العـرف قسمي
تلقى على الوضح المزايـين وسـمـي= اللي غـــلاهـــن حـــرق الـقـــلــب تـحـريـــق
اللام للحب الحقـيـقي علامه=بمـشـاهـدة وجه المحب وسلامه
في حظـرته في نظـرته في كلامه= نــشــوة غـلـى يـسـكـر بـهـا الـعـــقل ويــفـيـق
الميم ما مثل الــشجاعة و الأخلاق=اليا باعـوا الرفـقه قـلـيلين الأوفاق
اللي على الدنيا لهم هـوش و إخـناق= مـثل طـيور البـــغـــبــغــاء والبـــطـــــــاريـق
النون نجـد المجد لله دره=يا زيّن مرباعه وبـرده وحره
امـا القصـيم بنون عـيني مقره =أرض النخل و ارض الرجـــــال الـــعـــمــالـيق
الها الهوايه والهوى شانهم شان=غلى وولاء و ابـداع و امتاع واشجان
سحرٍ اليا سـيطـر على قلب الانسان= يــمـكن يـزهــــق بـعـض الأرواح تزهـيــق
الواو وش حال الرعـية بلا راع=صـيدة خلا يـطـمع بهـا كـل طـماع
والذيـب له هـده ورده اليا جـاع =في كــل يوم يـحـوف ويـشـوف ويــــويــق
اليا يـقـول ابــوفهـد يا سحايـب=هـلّي وعـلّي كل حاضـر و غايب
واروي كبود الأصدقا و القرايـب =وعـلى الــعــدا هــــــدمٍ وردمٍ و تــغـــريــق[/poem]
| |
|
| |
ابوفـــــرح المدير العام
دولتي : العمل : الهواية : عدد المساهمات : 197 تاريخ التسجيل : 30/09/2011
| موضوع: رد: الألفيه للشاعر / سعد بن عبيدالله القصيري 11/10/11, 07:08 pm | |
| صح السان الشعر ابوفهد والله يعطيك العافيه ياقصيري وافتخر على النقل بس وحدة ماتكفي نبي كل قصايد ابوفهد اذاعندك شي منها | |
|
| |
ابــو ســلــمــان عضو مميز
دولتي : العمل : الهواية : عدد المساهمات : 71 تاريخ التسجيل : 30/09/2011 الموقع : عـــــــــــــــــاصمة الــــــــــــــربيــــع
| موضوع: رد: الألفيه للشاعر / سعد بن عبيدالله القصيري 12/10/11, 04:25 am | |
| صح السان الشاعر ابوفهد وقصيده دايم جزل وبيض الله وجهك ياخوي قصيري وأفتخر على هذا لنقل الرائع | |
|
| |
فارس القصيري المراقب العام
دولتي : العمل : الهواية : عدد المساهمات : 891 تاريخ التسجيل : 10/11/2011 العمر : 31 الموقع : الذيبية
| موضوع: رد: الألفيه للشاعر / سعد بن عبيدالله القصيري 13/11/11, 02:23 am | |
| صح لسان الشاعر ابو فهد والله يعطيك العافية يا قصيري وافتخر على النقل الرائع
عدل سابقا من قبل فارس القصيري في 03/04/12, 07:39 pm عدل 1 مرات | |
|
| |
بريق الالماس مشرف روح الشريعة
عدد المساهمات : 207 تاريخ التسجيل : 02/10/2011
| موضوع: رد: الألفيه للشاعر / سعد بن عبيدالله القصيري 14/11/11, 02:00 am | |
| | |
|
| |
ابو لطيفة عضو مميز
عدد المساهمات : 70 تاريخ التسجيل : 10/11/2011
| موضوع: رد: الألفيه للشاعر / سعد بن عبيدالله القصيري 14/11/11, 12:31 pm | |
| صح اللسان الشاعر سعد القصيري ومشكور علي النقل
تقبل المرور | |
|
| |
سلمان القصيري منشئ المنتدى
دولتي : العمل : الهواية : عدد المساهمات : 848 تاريخ التسجيل : 26/09/2011 العمر : 27 الموقع : عاصمة الربيع
| موضوع: رد: الألفيه للشاعر / سعد بن عبيدالله القصيري 15/11/11, 02:44 am | |
| | |
|
| |
الذئب المفترس عضو ملكي
دولتي : العمل : الهواية : عدد المساهمات : 390 تاريخ التسجيل : 13/10/2011
| موضوع: رد: الألفيه للشاعر / سعد بن عبيدالله القصيري 10/02/12, 03:29 am | |
| | |
|
| |
فهد محمد بن ناحل عضو جديد
دولتي : العمل : الهواية : عدد المساهمات : 7 تاريخ التسجيل : 12/01/2012
| موضوع: رد: الألفيه للشاعر / سعد بن عبيدالله القصيري 03/04/12, 03:09 am | |
| قصيري وافتخر
بيض الله وجهك على الجزله وصح لسان الشاعر سعد عبيد الله القصيري | |
|
| |
| الألفيه للشاعر / سعد بن عبيدالله القصيري | |
|