الشاعر محمد بن جارالله يمدح احد ابناء القبيله

السلام عليكم ورحمة الله وبركـــاته ..

االشاعر/ محمد بن جار الله المرواني يمدح الشيخ /صقر بن مرزوق القصيري

يستاهل ابوســـــــــــــــــــــــــــــطام

ليه رفيقن مع الإيام خليته=ماهو بودي وهو شفقان للخوه
مقوى زماني لوإني ماتقاويته=محدن خذا من زمانه شي بالقوه
انا شمال البلاد وصاحبي بيته=لو فوقه البرق يبرق ماوصل ضوه
بحدود عمان لو إبطيت ماغديته=في ديرتن قومها لباست مموه
هرجت تلفون ماتشبع من إغليته=كنها حسينة قوام ووجهها مشوه
محلا المسايير مار ان جاك وان جيته=الصاحب للي يناسب جوك الجوه
الي لياجار وقتك ماتعديته=من دون هرجه يشيل الحمل يالوه
اثقل من الي ليا من ضقت عديته=الي متلقى بطفه موقع البوه
افخر ليا قلت ابن مرزوق خاويته=صقر زبون المراجل راعي حموه
حربي وراعي فعول وذايعن صيته=وان جاته الكايده بالحل مرجوه
البعد زاد الغلا بالصدر وابديته=ببيات والحمد لله شاعر مفوه

وسلامتكم ..

اشكر اخي العزيز : ابو فرح على النقل الرااائع
ويستاهل ابو سطام شهاده نعتز فيها من رجال
طيب مثل الشاعر: محمد بن جار الله المرواني الحربي
والحقيقه قصيده جزله من شاعر جزل تدل على الوفاء بين الرجال ولاهي غريبه العلوم الغانمه والطيبه بين الطيبين
امثال ابو سطام والشاعر: محمد بن جارالله حيث كان ابو سطام والشاعر محمد بن جار الله زملاء في احد الوحدات العسكريه في مدينه تبوك وهم قبل كذا ابناء عمومه وكانو مثل الاخوان في التواصل وتبادل الزيارات وكل منهم يفخر بفعل الطيب في مابينهم وبين الرجال الطيبين الي مثلهم ودارت الايام وشاءت الاقدار ان ينتقل عمل الشاعر محمد بن جار الله الى مدينه حفر الباطن وبقي التواصل موجود بينهم ولاكنه كان بالتلفون وكان يشتاق كل منهم للقاء الاخر ولاكن المسافه ليست بالسهله وعلى قولت الشاعر : محمد
انا شمال البلاد وصاحبي بيته=لو فوقه البرق يبرق ماوصل ضوه
بحدود عمان لو إبطيت ماغديته=في ديرتن قومها لباست إموه
فتمثل الشاعر في الابيات التي ذكرها اخي ابو : فرح
وقول لابو جارالله كلامك شهاده نعتز فيها
وابو سطام يستاااهل
واشكر اخي القدير : ابو فرح على النقل
وتقبلو تحياتي
ابو طلال

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» االشاعر/ محمد بن جار الله المرواني يمدح احد ابناء القبيلة
» بعض من قصائد وشيلات الشاعر الكبير : محمد بن فطيس
» تغطية حفل زواج الشابين /عيسى ونافل ابناء المرحوم فضل بن نافل القصيري
» تغطية حفل زواج الشابان عيسى و نافل ابناء فضل القصيري رحمة الله
» قصص الانبياء - محمد عليه الصلاة السلام