البارحـه عيـن عيونـي ينامـن = واليوم من بعد السهر وضعهن سي
من كثر ماهن للصبـاح يتحـرن = نجضة قلوب امواقهن والحدق نـي
ان جاء ظلام الليل رسل العناء جن = وقضيت ليلي بيـن امـرا وناهـي
مرسال ينهاني عن الشك والضـن = ومرسال يامرني بفتنت هل الغـي
مدري اطاوع من واعصى على من = اصبحت ماخذت القـرار النهائـي
متحيـرا مابيـن مابـدي وماكـن = كني مصدق شـي ومكذبـا شـي
واللي نبي ماهو على مايبـن هـن = واقول ماهـي هـي لونهـا هـي
مغيـر اعيـد الذاكـره واتفطـن = في حاضري واللي فعلته بماضـي
لياعـاد مابـي مايقولـن اللسـن = مادري مثورات الفتن وش تبي بي
كلامهـم خلـى ضلوعـي يلجـن = لجة مخاليلا لواهـا العطـش لـي
وردا على بيرا به العالـم شربـن = وجفت رواته مابها ريحـة المـي
ماغيرهو مـن المـوارد يخبـرن = وتحارجن فوقه على حاجر الطـي
ومن غربت الحاصل عضامي تثنن = عجزا يشدني عن الارض رجلـي
واللي ذهل عقلي وخلانـي انجـن = خطية الميـت يعـذب بهـا حـي
الميت اللي مات مبطي والا دفـن = جنازته بلوى ومـن ناشهـا بلـي
وان قلت هذا كيف كـان وتكـون = سجل علي اكثر من اللي غداء لي
مالي سوى صبرا على سالفة هـن = لونهـا تجـرح وتذبـح وتكـوي